لقاء مسنجر مع شاب بحريني من عبدة الشياطين

البطاقة الشخصية:

الإسم: خالد (((ماراح اكتب اسم الأب أو العايله منعا للفضائح)).

العمر : 16 (((توه ياهل مراهق)).

الجنسية: بحريني (( أم الفشيله بحريني وعبده شيطان)).

عدد أفراد الأسره : 4 وتتكون من أب وأم وخالد وأخوه اللي إهو أصغر منه بسنتسن.

الوظيفه: طالب بالثانوية

النك نيم : satanic – boy

الديانه: شيطان.


يلا نبدي.....

Cool-girl: قوه

Satanic-boy: هلا

Cool-girl:ممكن نتعرف عليك ؟

Satanic-boy: إي أكيد معاج ((اقروا البطاقة الشخصية)).

Cool-girl:أي والنعم .


Satanic-boy: ولكم.

Cool-girl: ثينكس

Satanic-boy: اوكي ماعرفتينا عليج.

Cool-girl: انا.........((لول مو لازم اتعرفون)).


Satanic-boy:اها يعني انتى منهم ولا لأ. ((اهو يقصد عبده الشيطان بس انا اتغيبيت معاه لول))

Cool-girl:شنو قصدك؟

Satanic-boy: قصدي مممممممممم.((يعني يفكر))

Cool-girl: شنو يعني ؟

Satanic-boy: اوكي شنو ديانتج؟ ((شالسؤال الغبي))


Cool-girl: مسلمة ليش؟

Satanic-boy:بس جذي بعرف عيل يلا جااو. ((مو عاجبك اني مسلمه طق راسك بالطوفه))

Cool-girl: انطر وين رااايح ماتكلمنا !

Satanic-boy:انتي شتبين بالضبط؟(( قطيعه شالأخلاق))

Cool-girl: ولا شي بس قلت لك نتعرف!


Satanic-boy: يعني تبين تصيرين معانا؟ ((الله لايقول أصير معاكم أعوذ بالله))

Cool-girl: لأ بس بعرف عنكم أشياء.

Satanic-boy: مثل شنو؟ (((واي دمك أثقيل بس والله لو مابي اسوي اللقاء جان بلوك من زمان))

Cool-girl: شنو نوع الأغاني اللي تسمعهم؟

Satanic-boy: روك ، مادري شنو"بعدين دث ، راب ((( وايد ذكر أغاني بس ماذكرهم))

Cool-girl: اممممممممم اوكي حلو انزين شنو هوايتك؟

Satanic-boy: يعني ليش هالأسئلة؟

Cool-girl: شنو مجرد اسئله انت من شنو خايف!

Satanic-boy: أنا خايف ؟؟؟ من قال خايف ومن شنو أخاف انا ماخاف من ولا شي ومن ولا أحد (( أي مبين))

Cool-girl: عيل شفيك كل ما اسئلك سؤال احسك خايف وماتبي تجاوب؟


Satanic-boy: لأ قلنا مو خايف بس انتي شنو مباحث ! ((مباحث شويه أنا محكمة لووول ))


Cool-girl:لووووووووووووووووووووووول لأ. انزين ماقلت لي شنو هوايتك؟

Satanic-boy: ممممممممممممممم. ((رد يفكر ولييييييييه))

Cool-girl: اشفيك اتفكر؟

Satanic-boy: مادري انتي ألغاز (( ماشفت شي عيل))


Cool-girl: ألغاز لوول الله يهداك. (( شكله خايف بس موراضي يتكلم))


Satanic-boy: لو سمحتي لاتقولين لي الله يهداك. (( بلعنه انشالله))


Cool-girl: أي شي أوكي الله لا يهديك عيل. (( صج مو كفوو))


Satanic-boy:اوكي المهم خلصت اسئلتج ولا لأ؟ ((أقول بسك نفسيه لوعت جبدنا))


Cool-girl: لووول ماجاوبتني؟


Satanic-boy: اوكي أنا هوايتي الرسم وممارسه الطقوس الشيطانية .

Cool-girl: ممارسة الطقوس الشيطانية مثل شنو؟

Satanic-boy: اوووف ماراح تفهمين (((مادري شايف غبية جدامك ماتفتهم؟؟))

Cool-girl: عادي فهمني. (( ابدي أجامله عشان اسحب كلام))

Satanic-boy: اوكي الطقوس الشيطانيه يعني نتيمع مع الربع ،بنات شباب ونييب جم واحد مو من ضمنا

ونبدي نمارس الطقوس. ((طقووس شيطانيه مممممممم))

Cool-girl: شلون وليش اتيبون اللي مو من ضمنكم معاكم ؟


Satanic-boy: عشان نقدر انمارس الطقوس اووف انتي ماتفهمين! (( خل الفهم لك ))


Cool-girl: فاهمه بس اللي مو فاهمته ليش شنو سبب شتسوون معاهم؟

Satanic-boy: عشان الدم .

Cool-girl: دم !!!!!!!


Satanic-boy: إيي نشرب دمهم ونمارس طقوسنا . ((شالخرااابيط))


Cool-girl:أي شي ، وحرام ليش اتسوون جذي.

Satanic-boy:ماكو شي حراام هذي طقوسنا وأحنا انسوي اللي يقوله لنا الشيطان.

Cool-girl: وليش انتوا تلتقوون بالشيطان وانتوا اتسووون الطقوس ؟


Satanic-boy: هذا شي ماراح اتعرفينه إلا إذا صرتي وحده منا! (( بل أي شي وحده منكم ماكو شغل))

Cool-girl: اها وانتوا وين تمارسون طقوسكم!


Satanic-boy: سوري سر ماقدر اقولج ياه (((داسك اللوري)).


Cool-girl:اوكي انزين انت ليش صرت عبده شيطاان.


Satanic-boy: غيري السؤال. ((مممممممممممممممممممم))

Cool-girl:ليش؟

Satanic-boy: قلت لج غيريه بس شي شخصي. (( مو لازم اتعرفون شي خاص الظاهر))

Cool-girl: انزين أهلك يدرون فيك؟

Satanic-boy: لأ ..... بس اخوي الصغير يدري لأنه بيصير معاي وأنا قاعد أعلمه.((ونعم التربيه))

Cool-girl: اممم جم عمر أخوك؟

Satanic-boy:15 سنه

Cool-girl: اصغير!!!!!!!!!!!!!!!! ليش اتعلمه؟

Satanic-boy: وشنو هذي ديانه مافيها عمر! وأهو اختار هالشي (( شفتوا الخراب))

Cool-girl: بس انت لازم ما تضيع أخوك!!


Satanic-boy: ليش يعني أنا بالنسبه لج ضايع؟ (( وااااااااااااااااااااااااااااااااي دلاعة مو طبيعية))

Cool-girl: اوكي مابي اتهاوش بهالموضوع وانتوا احرار.

Satanic-boy: ممممممممممممممم ((رجع يفكر ))


Cool-girl: انزين انت صرت جذي من شنو؟

Satanic-boy: قلت لج غيري هالموضوع.


Cool-girl:ليش لازم تفتح قلبك تقول شنو مشكلتك! (( نسايسه لوووووووووووول ))

Satanic-boy: كول قير تكفين لاتفتحين هالموضوع بلييييز .

Cool-girl: خالد هل أهلك أهم السبب ولا ربعك اللي مو زينيين.

Satanic-boy: ربعي زيينين انقذوني من اللي كنت عايش فيه. ((صدقوني محد يصير جي إلا يعاني من حاله

نفسية أو عنده مشكله بالبيت))

Cool-girl: ليش شنو فيك شصاير قول كل شي وانا اوعدك أحاول أساعدك ((

Satanic-boy: ثينكس بس ماراح تقدرين اتساعديني!

Cool-girl: عادي قول.

Satanic-boy:أبوي المشكله أبوي.


Cool-girl: شفيه أبوك.

Satanic-boy: أبوي من يوم ماكنت اصغير كنت أشوفه يطق أمي جدامي وكان يطقني أنا بعد ، ماكنت أقدر

أعبر عن مشاعري ماقدر أكلمه ماكانوا أهلي يخلوني أتكلم كنت كله ساكت ، وأشيل بقلبي واايد ، تعبت تعذب ما
تتصورين شكثر اللي عانيته أنا أبوي ضيعني يوم طلق أمي أنا وأخوي صرنا بروحنا وبس كافي ماقدر أكمل

أكثر من جذي ...... وبس الشباب اللي بالمدرسه يوم تعرفت عليهم أنقذت نفسي.


Cool-girl: منو هالشباب عبده الشياطين؟


Satanic-boy: لأ مو كلهم في منهم جوثيك وإيمو وشياطين وغيرهم.


Cool-girl:وشنو يطلع هذا الجوثيك والإيمو؟ (( اسماء غريبه))

Satanic-boy: أهم مثلي بس شوي مختلفين!


Cool-girl:شلون؟


Satanic-boy: يعني الإيمو نصهم مخدرات و عندهم نزعات إنتحارية والجوثيك تقريبا مثل الشياطين و

نصهم يمارسون طقوس ويشربون دم ويسون حربكش.

Cool-girl:أي شي مخدرات إنتحار حربكش شالخرابييط.

Satanic-boy: عفوا!! لاتهينين أديانا مثل ما انتي ماترضين أهدين دينج (( تسميهم أديان يالكافر))


Cool-girl: اوكي شنو تطلع حربكش؟؟؟؟؟

Satanic-boy:وانتي اسئلتج متى بتخلص؟ ((( ماتخلص لوووووووووووووول)))

Cool-girl:انت كل دقيقه اتطلع لنا شي غريب شسوي بعد بعرف.


Satanic-boy: اوكي يلا أنا ماشي .


Cool-girl:وييين ((لقافه مو طبيعية))

Satanic-boy:وانتي شكو ,,,,,,

Cool-girl: سوري . ((والله مو كفو أعتذر لك))

Satanic-boy: اوكي يلا باااي (( رووح فكه أحسن))


Cool-girl:باي



لووول اللي بالأقواس تحلطمي وبعدين انتوا شفتوا شلون هذي الظاهره منتشره بكل مكان وهذا حربكش اللي

يقول عنها وتبون تعرفون شنو إهيي هذي نجمه الشيطان



الله يهدي هالمراهقين اللي يتجهون هالإتجاه المنحرف وانا بقولكم شغله أهم ماصاروا جذي إلا لأنهم يعانون من

مشكله او حاله نفسيه او من الربع أو إهمال الأهل وأنا أدري محد يحب هالأشكل وأنا بعد معاكم بس انتوا لي

شفتوا ناس جذي علموهم هذا غلط وحرام وجذي من هالكلام مو اتدشون تتهاوشون معاهم ترا مايفيد كله يعني

لا إنت ابتستفيد ولا أهو يعني أنا مااقولكم إني أنا معاهم بس أقولكم سحبوهم بكلامكم وحتى لو ما فادت النصيحة

حاولو وأهم لو شافوا أحد مهتم لهم أو لو انتوا قلتوا لهم كلام ترا صدقوني بيأثر فيهم لأن مم معقوله يعني لمن أنا

أقولك مثلا أمبييه انت شلابس فشلتنا روح غير ملابسك إنت بصراحة ماراح تتضايق.؟. أكيد راح تتضايق وتتأثر

بكلامي وماراح تلبس هالبس مره ثانية لأنك سمعت وفكرت فالناس تسمع وتفكر وتتأثر
المهم انشالله يعجبكم الموضوع